Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

He kōrero whakataki

''
  • Tukuna kia topa, kia tiu, kia tau
  • whakanuia ko te hau, whakanuia ko te wai,
  • Ko te hā.
  • Tākiri ko te rā, ko te ura,
  • kia koiri ake ko te mura, ko te hā.
  • Ko te ao e kori ake nei e kori ake nei.
  • Ei ko te ao kori e.

Ko te oranga o te tangata ko tana mōhio ki te whakahaere i a ia, i tōna taiao i te ao whānui hoki. Kia āta whakarongo, kia āta titiro, kia āta whāwhā, kia āta tūpato. He wairua o ngā mea katoa. Hopukina te hā, te koiri, te pū hei oranga motuhake, whakanuia, whakaarihia, whakamoemitihia. Ko te ao kori ā-roto, ā-waho hei pure i te whakaaro, hei whakakaha i te tinana, hei whakaaio i te wairua.

''

Ko te mahi tuatahi a tēnei puka mahi he whakatinana kaupapa me te tūhonohono i ngā marautanga e whā, arā, Ngā Toi i roto i te Marautanga o Aotearoa, Arts in the New Zealand Curriculum, Hauora i roto i te Marautanga o Aotearoa: He tauira me Health and Physical Education in the New Zealand Curriculum (1999).

Hoahoatanga 1: Te hononga o Te Ao Kori ki ngā marautanga

Mēnā kāore e taea tō kite, tō pānui rānei i tēnei ripanga, tohua te hononga ki te huaki i te putanga kōrero o tēnei ripanga.

Tuarua, he whakarato kōwae ako mā ngā pouako kia hāngai ki ngā matea ako o ngā ākonga. Ko te aka o tēnei rauemi e taea ana ētahi kaupapa mahi ki te hono i te ao nekeneke, i te ao whakaari, i take mai, mai i te ao kori hei:

  • whakawhanake pūkenga, whakawhanake mōhiohio whakakite, whakamārama i ngā momo nekehanga me ngā tikanga ā tēnā iwi, ā tēnā hapū
  • whakamahi i te tangi o te reo, i te piu o te ringa, i te mau o te rākau, i te mahi o ngā waewae hei whakatinana hoki i te reo Māori.

Mā tēnei rauemi e kitea ai te whakatōpūtanga o ngā pūkenga me ngā mōhiohio hei whakaniko ake i te tamaiti. Kia puta ake ai ko te tino mauri, ko te tino whaiaro, me ngā pūkenga whakawhitiwhiti mai i ngā kawa rerekē i roto i te kori o te tinana.

Mā Te Ao Kori e tāwharau e whakakotahi ēnei uara katoa e hāngai ana ki tā te Māori titiro.

Ehara i te mea e kī ana me mahi katoa ngā kaupapa mahi kei roto i tēnei pukapuka oti anō ko te kī kē, hei whakaputa whakaaro, hei hono ki te hōtaka ako o te wā, i roto i te akomanga, i te kura hoki. Kei ngā pouako anō te hiahia me pēhea te whakaraupapa i ngā kaupapa kei te wāhanga 'Kaupapa mahi'.


Footer: