Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

Ngā whakaritenga mō te akomanga

"Ei, kia hiko au e"

Kia whai tonu ai i te hōtaka ako o te kura, me mātua mōhio ki ngā mātea ako o ngā tamariki. Tuarua, me hono atu tēnei rauemi ki Ngā Toi i roto i te Marautanga o Aotearoa me Hauora i roto i te Marautanga o Aotearoa: He tauira.

Tērā ia mā te tino mōhio o te kura ki tōna ake ahurea me tōna ake kawa e wawe ai te whakarite i ētahi huanga ako.

Tā te puka mahi:

  • he whakarato i ētahi huarahi whakawhanaketanga
  • he whakahāngai ki ngā matea ako maha.

Tā te pouako:

  • he āta ārahi i tēnei huarahi
  • he whakaatu i ētahi tirohanga, i ētahi mahinga
  • he whakaū i ngā tino taonga o te ao kori o neherā, o nāianei tonu hoki
  • he tohu i ētahi huarahi hei whakatau wairua.

Ko ngā tauira kei roto i te rauemi nei he whakaratonga mā ngā kōeke 1–5. Ko ētahi tērā e taea ana te whakapiki ake, ko ētahi tērā e taea ana e te kōeke iti te whakamahi. Ahakoa, mā te pouako, mā te kura tonu e titiro ko tēhea e hāngai ana ki te kaupapa o te wā, ki te paki o te tau, ki ngā pūkenga o te akomanga kātahi ka tīpako ai hei whakamahi māna.

Ngā āhuatanga e tipu ai te ako

"Te piko o te māhuri tērā te tipu o te rākau"

Kotahi tonu te kai whakatipu matua, e whanake ake ai te ako a te ākonga. E ai ki a Hattie (1999) ina pāheko tika ai te pouako me te ākonga, te tipu pai ai te hinengaro, te wairua, te mōhiohio o te tamaiti.

Ina ki te mau tonu te pouako ki tēnei āhuatanga e tere ai te mōhio o te tamaiti:

  • kei hea ia
  • e ahu ana ia ki hea
  • me pēhea te whakarite i āna whāinga.

Kei ngā ringa tēnei o te pouako. Ko ia e mataara ana ki te whakapakari ake i a ia anō, e whakapakari ana hoki i āna ākonga.


Footer: