Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

Tau 1–3: Ngā whāinga paetae

Ko te tino whāinga a tēnei puka mahi he whakaatu i te hononga o ngā marautanga, arā, te hauora me ngā toi, heoi, te reo Māori, te hauora me ngā toi. Kia kite ai ngā pouako i te tūhono o tēnei rauemi. Kua whakaritea tētahi horopaki hei tauira.

E whakaatu ana te ripanga i ngā whāinga paetae, i ngā pūkenga rānei mai i ngā marautanga hauora me ngā toi e hāngai ana ki te kaupapa o te wā.

Ripanga 1: Ngā whāinga paetae, ngā pūkenga

Marau

Whenu

Taumata

Ngā whāinga paetae, Ka taea e te ākonga te:

Hauora Tinana 2 whakatau tana mōhio ki ngā ture o ngā kēmu, me te whakaatu i tana ū ki ngā tikanga noho haumaru me ngā tikanga tōkeke i a ia e tākaro ana
Hauora Waiora 2 whai tonu ngā mahi whakapakari tinana pārekareka ki a ia, me te whakaaro nui ki tōna wairua, tōna hinengaro me te tinana

Marau

Whenu

Kōeke

Ngā pūkenga, Ka taea e te ākonga te:

Ngā toi Tūhura 1 whakapuaki i ngā oro reo e hāngai ana ki ngā horopaki e taunga ana ia
Ngā toi Mahi 2 whakamahi i ngā āhuatanga mahi ā-tinana hei whakamārama i ngā wheako whaiaro

Ngā huanga ako

E whakaatu ana te ripanga i ngā huanga ako mai i ngā marautanga hauora me ngā toi e hāngai ana ki te kaupapa o te wā.

Ripanga 2: Ngā huanga ako

Ngā tino ariā

Ngā huanga ako, Ka taea e te ākonga te:

Mōhiohio me te māramatanga
  • whakarongo ki tētahi paki mō Māui-tikitiki-a-Taranga arā, 'Ko Māui rāua ko Te Atua o te ahi'
  • whakaatu i tētahi whakapapa o Māui me tōna whānau
  • tāutu i te tino āhua o Māui i roto i te paki, arā, te whakaatu i tana kāhua pērā ki te hanariki, nukarau, mōhio, pākiki, wawāhi-tahā, ngahau, whai-pūkenga
  • matapaki i te āhua o te mokopuna ki te tipuna, o te pōtiki ki ōna tuākana, me te whanonga i waenga i te whānau. Ko tā ngā ākonga he tāutu i ngā ōritetanga ki a rātau me tō rātau whānau
  • titiro ki tētahi whakairo, whakaahua, pikitia, pukapuka e whakaatu i a Māui-tikitiki me ana mahi
  • whakarongo ki ētahi o ngā waiata me ngā haka mō ngā mahi a Māui-tikitiki (titiro ki te rōpū a Ahorangi Genesis).
Whakahoa, whai whaiaro pāhekoheko
  • titiro ki ētahi o ngā āhuatanga o Māui-tikitiki, kātahi ka matapaki ai i ngā hononga i roto i te whānau, i te akomanga, i te papa tākaro
  • tāutu i te mahitahi kia tau ai, kia tipu ai te mea kotahi, te takirua, te takitoru rānei.
Pōhewatanga
  • ako, ki te whakamahi i ētahi tākaro ā-ringa e hāngai ana ki ētahi kaupapa, ki tētahi kiripuaki mai i te paki
  • whakaatu i tētahi/ētahi o ngā tākaro ā-ringa ki te akomanga, ki te whānau, i roto i tētahi kaupapa ohaoha.

Ngā tino wāhanga ako

Ehara koinei te huarahi motuhake heoi, e kī ana ngā marautanga e rua he tīmatanga, hei tūhonohono atu ki tētahi kaupapa o te wā.

Rauemi

  • 'Māui rāua ko te Atua o te ahi'
  • Ahorangi Genesis, 'Māui'
  • Ngā pukapuka katoa o Māui

Kei ngā wheako akoako ētahi atu tūmahi e pā ana ki te Exploring Te Ao Kori.


Footer: