Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

Tau 4–6: Ngā whāinga paetae

Ko te tino whāinga a tēnei puka mahi he whakaatu i te hononga o ngā marautanga, arā, te pūtaiao, te hauora me ngā toi, heoi, te reo Māori, te hauora me ngā toi. Kia kite ai ngā pouako i te tūhono o tēnei rauemi. Kua whakaritea tētahi horopaki hei tauira.

E whakaatu ana te ripanga i ngā whāinga paetae mai i ngā marautanga hauora me ngā toi e hāngai ana ki te kaupapa o te wā.

Ripanga 3: Ngā whāinga paetae, ngā pūkenga

Marau

Whenu

Taumata

Ngā whāinga paetae, Ka taea e te ākonga te:

Hauora Te Tinana             4
  • whakaahua ngā āhuatanga ka pā mai ina eke te pūhuruhurutanga. Ka tau pai tōna wairua ki ngā rerekētanga o tōna tinana me ō ētahi atu
  • tūhura me te whakaahua te wāhi ki te āhua o te noho tahi a te tangata ki tōna ao, me te pānga mai o ngā mahi pāpāho ki te noho hauora o te tangata
Hauora Te Whānau 5
  • rangahau ngā hononga i waenganui i ngā tikanga ā-iwi, ā-whānau me te oranga o te tangata
Hauora Te Waiora 6
  • kōwhiri, te whakatinana me te whai kia pūmau ai tonu tētahi kaupapa whakapakari tinana.

Marau

Whenu

Kōeke

Ngā pūkenga, Ka taea e te ākonga te:

Ngā toi Mōhiotanga 4
  • whakakaupapa i te take e whai ai te rangatahi Māori i ngā tūmomo mahi a ngā mangu o Amerika
  • whai whakaaro mō ngā mahi a te tinana i roto i ngā whakaaturanga
Ngā toi Tūhura 5
  • tūhura te mokowā me te hangarau i roto i ngā tūmomo mahi a Te Rēhia
Ngā toi Mahi 5  
  • mahi ngātahi kia tutuki ai he kaupapa mō ngā tūmomo mahi a Te Rēhia, me te whakamahi tahi i ētahi pūrere hangarau
  • whakamahi takitahi, takirua, ā-rōpū rānei i tētahi mokowā me ētahi pūrere hangarau i roto i ngā tūmomo mahi a Te Rēhia.

Ngā huanga ako

E whakaatu ana te ripanga i ngā huanga ako mai i ngā marautanga hauora me ngā toi e hāngai ana ki te kaupapa o te wā.

Ripanga 4: Ngā huanga ako

Ngā tino ariā

Ngā huanga ako, Ka taea e te ākonga te:

Mōhiohio me te māramatanga   
  • tāutu me te whakamahi i ētahi koiri i ētahi horopaki uaua tonu (Hauora, Te Tinana, Taumata 4, 1 & 3), (Ngā Toi, Mōhiotanga, Kōeke 4, Pūkenga 3 & 4)
  • whakaatu i tētahi māramatanga mō ētahi tikanga e pā ana ki ngā rākau ka whakamahia
  • whakaharatau i ētahi nekehanga ōkawa nekehanga ōpaki kātahi ka whakaatu ai ki tētahi rōpū
  • rangahau i ngā tino āhuatanga o tētahi manu, arā, te pūkeko (Hauora, Te Whānau, Taumata 5, 1), ( Ngā Toi, Tūhura, Kōeke 5, 1)
  • mātakitaki i ngā tūmomo hīkoi a ngā manu tua whenua, manu nohotai me te matapaki i ngā nekehanga e ai ki tā te Māori titiro, arā, te wero, te mau taiaha (Hauora, Te Waiora, Taumata 6, 1), (Ngā Toi, Mahi, Kōeke 5, 2 & 3)
Whakahoa, whai whaiaro pāhekoheko
  • tāutu me te whakataurite i te mahi ngātahi i te wā kei roto i tētahi kapa haka, kapa whakaari, kapa tū waewae.
Pōhewatanga
  • hanga me te whakawhanake i ētahi nekehanga mai i Te Ao Kori. Hanga me te whakawhanake i tētahi haka, poi ā-ringa i roto i tētahi whakaari
  • titiro i ētahi o ngā āhuatanga tētahi manu, ētahi manu rānei kātahi ka matapaki ai i ngā hononga i roto i te koiri a te manu ki te koiri a te tangata
  • tāutu i te mahitahi kia tau ai, kia tipu ai te mea kotahi, te takirua, te takitoru rānei.

Ngā tino wāhanga ako

Ngā koiri: Te poi, te tī rākau, te haka

Kia whai wā ngā ākonga ki te whakamahi i ngā kōiriiri hei whakakaha ā-tinana, ā-wairua, kia harikoa, kia tipu te mōhiohio ko te nuinga o ngā kōiriiri e hāngai ana ki ngā nekehanga mai i te taiao.

Kia mārama hoki he maha noa atu ngā ahurea e whai ana i tēnei tikanga, arā, te tangata whenua o Ahitereiria, te tangata whenua o Amerika ki te Raki.

Ngā rākau: Tētahi manu

Kia whai wā ngā ākonga ki te rangahau, arā,:

  • he tino taonga te poi ki ētahi iwi – Taranaki
  • he kai whakaniko te poi i te piu a te ringa, a te tinana kia puta ko te ihi me te wana.

Ngā nekehanga: Te pūkeko me te wero

Kia whai wā hoki ki te whakarite, ki te whakamahi i ētahi nekehanga a tētahi manu kia mōhio ai hoki ki ngā take i pēnei ai te hīkoi, te rere, te kai a te manu, kia whakamahi i ētahi nekehanga i roto i tētahi mokowā.

Ngā tikanga: Te whakatūpato, te tiaki i te taiao

Kia whai wā ngā ākonga ki te whakanui i te taiao, arā, ngā manu, ngā tipu, ngā rākau hei whakamahi mā ngā ākonga.

Kei ngā wheako akoako ētahi atu tūmahi e pā ana ki te Exploring Te Ao Kori.


Footer: