Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

Ngā tino ariā o Te Ao Kori

Mōhiohio me te māramatanga

Te Ao Kori e mōhio, e mārama ake ai te ākonga ki:

  • te hononga o te tinana, o te hinengaro, o te wairua i roto i tētahi horopaki Māori hei whakaatu, hei whakaputa mahi ā-pōhewatanga, ā-ariā, ā-wheako mai i tētahi whakakori
  • ētahi puoro rerekē, i ētahi pūkenga kori rerekē mai i te ao Māori i roto i te whānau, i te kura, i te porihanga
  • te tūhura i te ahunga mai o te ao kori i roto i te whānau, i te hapū, i te iwi, i ao kē
  • te tāutu i te awenga o te taiao, o iwi kē, ki te ao kori (kori o neherā, kori o i nāianei, rapa)
  • te tāutu, me te whakamārama i te whakanikotanga a te ao kori i tā te taringa, i tā te karu, i tā te ringa
  • te tāutu, me te whakamārama i te whanaketanga o ngā hau katoa i roto i Te Ao Kori.

Pakari ā-tinana

Te Ao Kori e pakari ā-tinana ake ai te ākonga ki te:

  • ako i a ia e tākaro ana
  • piki ki ētahi taumata pae tawhiti me te harikoa hoki
  • whakamahi i tōna pōhewatanga, arā, ā-hinengaro, ā-wheako, mai i ētahi whakatenatena rerekē (waiata, mōteatea, pakiwaitara, rotarota, whakairo, whitiata)
  • ako mā te hīraurau whakawaiwai
  • whakawhanake ake i tōna maiohatanga ki ōna ake pūkenga me tōna mōhio
  • whakaputa i tōna tūnga kaitaki, kaiaru hoki.

Whakahoa, whaiaro, pāhekoheko

Te Ao Kori e whanake ake ai i ngā pūkenga whakahoa, pūkenga whaiaro, pūkenga pāhekoheko o te ākonga ki te:

  • tāutu i te hononga o tōna waiaro me tōna uaratanga ki tōna painga motuhake me tōna tuakiri
  • whakaatu i tōna maiohatanga me tana mōhio
  • ako ngātahi, ki te mahi pāhekoheko
  • whakawhanake ake i tōna māiatanga ā-tinana
  • whakapiki i tōna ake hauora me ō ētahi atu
  • manaaki, ki te whakaaronui i te tangata me te mahitahi i ngā wā katoa
  • whakawhanake ake i tōna pūmanawa ki te hanga takapiringa mai i ōna ake wheako, i ōna ake tikanga, i ōna ake whakaaro
  • whakaatu mōhiohio ki ngā tūmomo nekeneke i roto i horopaki kē, arā, i tētahi tangi, haka-pōwhiri, hui ahurei, whakataetae tauwhāinga
  • whakaako ki te mihi, ki te whakaaro, ki te arohaehae i ngā momo kori rerekē tae atu hoki ki ngā kori o tēnei ao hurihuri me o neherā.

Pōhewatanga

Te Ao Kori e whanake ake ai i ngā pūkenga pōhewatanga:

  • te whakarite i ētahi raupapatanga e ai ki ō rātau ake wheako, ariā, whakaaro, me ā rātau ake tikanga
  • ki te whakatipu māramatanga o te whakawhitinga o ngā koiri rerekē katoa
  • ki te whakaatu, whakaaroaro, arohaehae i ngā tūmomo kanikani o neherā tae mai ki nāianei.

Footer: